Një në tre amerikanë thonë se ka një vaksinë ndaj koronavirusit por po mbahet e fshehtë nga njerëzit. Ndërsa pjesa tjetër mendojnë se koronavirusi është krijuar në një laborator.
Ky është konstatimi që bën një sondazhi i ri në Shtetet e Bashkuara të Amerikës. Studimi i cili është kryer nga “Democracy Fund + UCLA Nationscape Project” dhe “USA TODAY”, thotë se 29 për qind e njerëzve mendojnë se vaksina ekziston dhe po fshihet. Ndërsa 32 për qind thonë se ekziston një kurë që shëron COVID-19, por nuk po përdoret.
Ndërkohë, një shumicë – gati 7 nga 10 amerikanë – thanë se besojnë se këto deklarata nuk janë të vërteta. Sondazhi mori një mostër prej më shumë se 6,300 amerikanëve të cilëve u janë bërë pyetje midis 2 dhe 8 prillit. Marzhi i gabimit është 2,2 për qind.
“Të shohësh se rreth një e treta e njerëzve mendojnë se ‘Po, kjo mund të jetë e vërtetë’, kjo ishte shumë tronditëse për mua”, tha Robert Griffin, drejtor hulumtimi për “Democracy Fund Voter Study Group”.
Sipas sondazhit amerikanët kanë një numër pikëpamjesh të tjera konspirative për koronavirusin.
Për shembull, 44 për qind e amerikanëve besojnë se koronavirusi është krijuar me siguri në laborator. Ndërsa një shumicë – 56 për qind – thanë se kjo ka të ngjarë ose kjo mund të mos jetë e vërtetë.
