Rusia do të përballet me një fazë të re dhe më të egër të pandemisë. Paralajmërimi erdhi nga Presidenti Vladimir Putin në një nga daljet e tij të rralla në televizion, pas shpërthimit të koronavirusit të ri.
“Rritja për çdo ditë e numrit të rasteve të reja është stabilizuar, por kjo nuk duhet të na bëjë më të qetë pasi situata është vërtet shumë serioze”, tha Putin.
“Pikun e kemi ende përpara, jemi gati për të përballur me fazën e re dhe më të egër të pandemisë. Jemi ende të kërcënuar me vdekje nga virusi”, shtoi shefi i Kremlinit.
Putin tha se Rusia do të zgjasë periudhën e vetë-izolimit, së paku deri më 11 maj.
Nisja e muajit të ardhshëm përkon me ditë festash në Rusi, pasi shënohet Dita e Punëtorëve dhe Dita e Fitores, por ky vit do të jetë ndryshe.
“Duhet që të gjithë të përgatitemi për një rrugë të vështirë përpara. Duhet të llogarisim të gjitha rrisqet dhe të tregojmë sensibilitet. Nuk munnd të humbasim gjithçka kemi arritur deri më tani”, tha Presideti.
Gjatë fjalimit përpara popullit rus, Presidenti Putin pranoi se për momentin ka mungesa sa i takon pajisjeve të nevojshme mjekësore ndërsa udhëroi qeverinë e tij që të rrisë normën e prodhimit dhe shpenzimet qeveritare.
