Kandidati për kryeministër të qeverisë së re nga Lidhja Demokratike e Kosovës, Avdullah Hoti para medieve deklaroi se ka përfunduar tashmë marrëveshja e koalicionit edhe me Listën Serbe.
“Po ka përfunduar me Listën Serbe dhe ata do të kenë pjesëmarrje njësoj siç kanë pasur edhe në Qeverinë tash që është në detyrë”, tha Hoti.
Hoti po ashtu deklaroi se pret nga të gjithë deputetët e LDK-së të respektojnë vendimet e Këshillit të Përjgithshëm të Partisë.
“Unë pres që të gjithë deputetët pa përjashtim të respketojjnë vendimet e Këshillit të Përgjithshëm”, tha Hoti.
Ndërsa, ndër të tjera, Hoti tha po ashtu se derisa ka një shumicë parlamentar nuk ka nevojë për zgjedhje, as pas pandemisë.
“Për aq kohë sa mund të bëhet një shumicë parlamentare në Kuvendin e Kosovës, nuk ka nevojë për zgjedhje dhe ka vullnet nga partitë parlamentare që të krijohet kjo shumicë e udhëhequr nga LDK-ja”, tha Hoti para medieve. /Telegrafi
