Ministrja e Arsimit, Besa Shahini ka deklaruar se studentët duhet të rikthehen në auditore përpara provimeve për të mbyllur vitin akademik.
Në një konferencë për mediat ajo theksoi se ministrja ka nxjerrë urdhrin për mbylljen e vitit akademik dhe studentët duhet të respektojnë udhëzimet për t’u mbrojtur nga koronavirusi.
“Universitetet kanë autonomi akademike. Të gjithë universitetet i janë përgjigjur kësaj thirrjeje, duke kaluar mësimin online, por jo të gjitha kanë pasur një infrasktrukturë apo gatishmëri të studentëve për të punuar online. Nga mesazhet tuaja, kam kutuar që jo gjithmonë është mbajtur standardi i punës nga pedagogët, si në auditore. Ndjehet në nevojë kalimi në auditore, përpara provimeve.
Rektorët kanë sjellë propozimet e tyre për mbylljen e vitit akademik, që siguron mbështetje për studentët që nuk kanë pasur kushte për mësime online. Bazuar mbi këto propozime, ne kemi nxjerrë një urdhër për mbylljen e vitit akademik.
Është nevoja, që të ndodhë kjo, duke shkuar për pak kohë në auditore, për përgatitjen e provimeve. Duhet ruajtur distanca, duhen mbyllur lëndët që duhen. Ndërsa studentët e viteve të para dhe të dyta, mund të mos jenë prezentë në autditore. Studentët e arteve kanë nevojë për përgatitje paraprake”, theksoi Shahini.
