Shefi i Organizatës së Kombeve të Bashkuara, Antonio Guterres ka deklaruar se bota duhet të ndjekë shembullin e Koresë së Jugut në luftën ndaj koronavirusit.
Sipas tij, Koreja e Jugut po ofron një shembull “jashtëzakonisht të suksesshëm” në luftën ndaj pandemisë së koronavirusit dhe po planifikon të merret me ndryshimin e klimës në rikuperimin e tij nga COVID- 19.
Sekretari i Përgjithshëm Antonio Guterres u shpreh gjithashtu se Koreja e Jugut ka paraqitur plane për “një marrëveshje shumë ambicioze të gjelbër” për rikuperimin e saj nga pandemia, duke përfshirë ndalimin e fabrikave të reja me qymyr dhe uljen e emetimeve nga fabrikat ekzistuese të qymyrit, shkruan Bussines Line.
“Shpresojmë që ky shembull i Republikës së Koresë të ndiqet nga shumë vende të tjera në botë”m tha Guterres në një konferencë shtypi.
