Në 24 orët e fundit në Itali është shënuar një rritje e numrit të viktimave. Janë regjistruar 474 viktima, shifër kjo që nuk regjistrohej prej datës 21 prill.
Kjo shifër zyrtare u transmetua sot, por duhet pranuar se ishte një gabim.
“Në fakt, në 24 orët e fundit janë vetëm 192 viktima, por kësaj shifre i jashtë shtuar edhe 282 viktima të tjera, të cilët nuk kanë mundur të regjistrohen gjatë muajit prill,”– shkruan “La Reppubblica”,duke sqaruar më tej se gjëra të tilla mund të ndodhin, qoftë për shkak të gabimeve të mjekëve apo nxitimi në shifra.
Numri total i viktimave arrin në 28,710 persona, duke e bërë Italinë shtetin më të goditur nga pandemia pas SHBA-ve. Numri i infektimeve të reja është rritur me 1900 persona duke e çuar në 209,328 numrin total të të prekurve nga Covid-19.
