Marash Kumbulla vijon të jetë një nga dëshirat kryesore të shumë klubeve të mëdha të futbollit, ndonëse ndodhen në vështirësi për shkak të pezullimit nga koronavirusi.
Merkatot e kësaj vere pritet të jenë të ndryshme nga ato që jemi më suar vitet e fundit, ku ka pasur blerje të shumta e shifra marramendëse. Situata e vështirë ekonomike ku ndodhen pjesa më e madhe e klubeve për të mos thënë të gjithë për shkak të pezullimeve apo edhe anullimeve të kampionateve, do e ulë shit-blerjen e futbollistëve.
Megjithatë dëshira për të pasur yllin e kombëtares shqiptare, 20-vjeçarin Marash Kumbulla në radhët e tyre, duket se do i çojë disa klube si Napoli, Interi, Chelsea dhe Manchester United drejt një shpenzimi të madh.
Napoli kërkon të futet sërish në negociata me Verona për të siguruar edhe shërbimet e Marash Kumbulla, por kjo gjë duket pak e vështirë pasi qendërmbrojtësi kuqezi ka shumë admirues të tjerë.
Megjithatë Napoli pritet të jetë një nga klubet më aktive në Serie A dhe tashmë disa lojtarë si Mertenz, Callejon e Koulibaly janë futur në listën e emra që mund të largohen dhe është e gatshme që të bëjë sakrifica për të marrë shqiptarin./Fjala.al/
