Ilir Meta nuk i konsideron aspak të lehta tre vitet e tij si kryetar shteti. Në intervistën për emisionin “Hard Talk” në Fjala.al, Meta u shpreh se këto vështirësi kanë ardhur si pasojë e vendimarrjeve të aktorëve të tjerë, duke iu referuar opozitës dhe mazhorancës.
“Së pari do isha i hapur të bëja një bilanc me ju për tre vite, pas datës 24 korrik, sepse atëhere plotësohen 3 vite në detyrën e Presidentit. Së dyti nuk kam ndërmend t’i numëroj as ditët dhe as vitet në këtë detyrë, por jam i përkushtuar ta bëj me përgjegjësinë maksimale që nga moment i parë që kam hyrë në këtë institucion dhe deri në 24 korrik të 2022. A kanë qenë këto vite të lehta? Jo! Sepse situata në vend nuk ka qenë ajo që unë do të doja të ishte dhe ajo për të cilën unë jam përpjekur gjatë kësaj periudhe, por kjo ka qenë një zgjedhje e aktorëve të tjerë që unë gjithmonë kam qenë për bashkëpunim, për të respekttuar Kushtetutën, që reformën në drejtësi ta zbatoj në frymën e Kushtetutës, kam qenë për pjesëmarrje në zgjedhje dhe jo për bojkot të tyre apo të institucioneve, por për fat të keq palët zgjodhën dy rrugë të gabuara . Njëra palë zgjodhi atë polarizimin ekstrem dhe përpjekjen për të dominuar dhe për të kapur të gjitha institucionet, dhe pala tjetër zgjodhi rrugën e legjitimimit të këtyre institucioneve. Kjo nuk i ka shërbyer vendit sepse duket qartë lista e kërkesave apo kushteve që duhet të plotësojmë deri në hapjen e vërtetë të negociatave”, u shpreh Meta.
-“Hard Talk”/Normalizimi i plotë i Shqipërisë, Meta “vë bast” për zgjedhjet e 2021-shit
