test

Gomari shkak i sherrit mes dy vëllezërve, ja çfarë ndodhi në Tiranë

113 563 lexime

124,178FansaPëlqeje

Gomari prishi një vresht dhe kaq mjaftoi që dy vëllezër të ziheshin e të ushtronin dhunë fizike ndaj njëri tjetrit.

Si pasojë e dhunës të dy vëllezërit kanë pësuar dëmtime serioze, po gjithashtu janë nën masat e arrestit.

Ngjarja ka ndodhur më 1 maj në fshatin Shpatë në Baldushk mes vëllezërve Lloçi.

NGJARJA

Në raportin e ngjarjes së OPGJ thuhet se rreth orës 18:30 në oborrin e banesës së Enver Lloçit i arrestuar për “Dhunë në familje” kishte shkuar për të biseduar vëllai i tij i quajtur Muharrem Lloçi. Ai ishte ankuar për gomarin që kishte hyrë në vresht dhe i kishte dëmtuar rrushin. Në momentet e diskutimit mes dy vëllezërve, Enveri është nevrikosur dhe menjëherë ka filluar ta shajë dhe ofendojë me fjalë shumë fyese e ofenduese vëllain e tij Muharremin.

Më pas Enveri është afruar pranë vëllait të tij dhe me një copë druri që e kishte në dorë e ka goditur Muharremin në fytyrë duke i shkaktuar dëmtime serioze, çarje e dëmtime në anën e djathtë të fytyrës së tij dhe më pas e ka goditur dhe me grusht në pjesën poshtë syrit të majtë duke i shkaktuar sërish dëmtim serioz. Më pas Muharremi është rrëzuar pa ndjenja në tokë.

Policia ka marrë njoftim për ngjarjen rreth orës 19:00 se në fshatin Shpatë në Baldushk, kishte ndodhur një konflikt i ashpër për motive të dobëta ku si pasojë e konfrontimit fizik mes dy vëllezërve Muharrem dhe Enver Lloçi, pjesë e konfrontimit ishte bërë edhe Bujar Lloçi, djali i Muharremit, i cili kishte goditur me një shufër metalike në kokë xhaxhain e tij Enverin.

Policia ka shoqëruar në ambientet e Postës së Policisë dy vëllezërit, ndërsa është shpallur në kërkim, djali i Muharremit Bujarit.
DËSHMIA E MUHARREMIT
Më 2 maj rreth orës 03:30 Muharremi ka bërë kallëzimin penal ku tregonte çfarë kishte ndodhur. “Ndodhesha pranë vreshtit të rrushit kur pashë gomarin e Enverit që kishte hyrë dhe po dëmtonte rrushin. E nxora gomarin nga vreshti dhe e ndoqa deri tek shtëpia e Enverit dhe i tregova ca kishte ndodhur.

Lexo edhe :  Pësoi hemorragji cerebrale, poeti i njohur Agim Doçi në luftë për jetën

Por Enveri nisi të shante dhe të ofendonte me fjalë shumë fyese e banale në drejtimin tim, të gruas sime dhe të vajzave. U afruan pranë meje me gjithë gruan dhe më tërhoqën nga rrobat. më pas Enveri më goditi me një copë druri të shkurtër. Ndërkohë u afruan dhe dy fëmijët e vëllait të cilët po më shtynin për të më rrëzuar në tokë.

Ngrita duart para duke u munduar të mbroja kokën por kur më goditi me dru më çau në fytyrë. Më pas më qëlloi me grusht në anën e majtë të hundës pranë syrit. Kam rënë në tokë dhe nuk mbaj mend më asgjë”, ka deklaruar në kallëzimin e tij Muharremi. Ai ka shtuar se është përmendur më pas në shtëpinë e tij dhe mbi kokë kishte djalin, Bujarin. Ky i fundit sapo ka parë që i ati është përmendur është larguar. Muharremi ka deklaruar se nuk e ka goditur asnjëherë vëllain e tij Enverin.

DËSHMIA E ENVERIT
Nga ana tjetër Enver Lloçi, i arrestuar për dhunë në familje ka deklaruar se ai është dhunuar fizikisht nga djali i vëllait të tij, nga nipi i quajtur Bujar Lloçi. “Më ka goditur me shufër hekur në kokë dhe më ka shkaktuar dëmtime në kokë dhe fytyrë. Unë nuk kam dhunuar askënd, nuk e kam dhunuar vëllain tim Muharremin dhe nuk e di kush mund ta ketë dëmtuar”, ka deklaruar Enveri./BW/

Të fundit

Gentian Zenelaj nuk pranoi të merrte pjesë në filmin e Luizit. Ja cila ishte arsyeja

I ftuar në emisionin “Pushime On Top”, aktori Gentian Zenelaj u shpreh se arsyeja pse e ka refuzuar rolin...

SKANDALI tek Onkologjiku, shkarkohen nga puna mjekët që orientonin pacientët tek privati

Ministrja e Shëndetësisë ka shkarkuar nga detyra mjekët e spitalit të Onkologjikut pas përgjimeve të publikuara, që tregojnë sesi ata përfitonin para nga pacientët...

Pothuaj 80% vlerësim pozitiv për kombëtaren shqiptare, edhe pse u eliminua

Nga Eduard Zaloshnja Pas eliminimit të kombëtares sonë nga kampionati europian, dy portale të mirëndjekura shqiptare, BalkanËeb dhe Shqiptarja.com pyetën audiencën e tyre për vlerësimin...

Skandali me mjekët tek Onkologjiku/ Reagon Koçiu

Ministrja e Shëndetësisë Albana Koçiu është “zgjuar” pasdite për të reaguar në lidhje me skandalin e bluzave të bardha tek Onkologjiku. Në një deklaratë për...

U aludua se ka tradhtuar Loredanën me të dashurën e re, reagon Mozzik

Mozzik ka reaguar përmes një postimi në Instagram për zërat që qarkullojnë se ai i ka shkruar Lotinës, të dashurës së re ndërsa ishte...

Lajme të tjera

Web TV