Aktori Agron Llakaj ka rrëfyer nëse e ka kaluar apo ajo koronavirusin. I ftuar në emisionin “Vizioni i Pasdites”, Llakaj deklaroi se edhe ai vetë mund ta ketë kaluar Covid-19 pasi në muajin janar ka pasur simptoma të një gripi si asnjëherë më parë.
“Nga data 3 Janar që prej datës 26 unë kam kaluar një grip të paparë të rëndë të rikthyer dy herë me temperaturë me frymëmarrje të vështirësuar, ndoshta e kam kaluar koronën se unë grip të tillë skam kaluar në jetën time. Bëra skopi kisha problem, fillova antibiotikë dhe nuk e di nëse e kam kaluar apo jo,” u shpreh Llakaj.
Ai theksoi se pas një pauze të shkaktuar prej masave të ndërmarra ndaj koronavirusi të shtunën do të rikthehet me spektaklin e humorit ‘Al Pazar’.
“Para jetës dhe shëndetit të njerëzve nuk vendosim as AL Pazarin. Në AL Pazar nuk do të ketë publik mund të ketë 2-3 aktorë në skenë, me distancë fizike sipas rregullave. Karantina nuk ka sjellë personazhe, por ka sjellë ngjarje. Është jashtëzakonisht e vështirë të krijosh një personazh të ri për 15 ditë. Ai do një studim do të shikosh dhe studiosh, si shikon, si qëndron etj. Personazhi nuk është kaq i lehtë të krijohet dhe çdo gjë krijon kohën dhe do proçesin e vet. Aktualiteti ka vend. Në këtë situatë ka dhenë shumë situata komike. Fillon gjëja e pare, frika që do vijë tek ne me humor. Ka shumë gjëra që realisht do i shikojmë të shtunën. Çdo artist do e shikojë në këndvështimin e tij dhe ky realitet na jep shumë”– u shpreh ai.
