Koha e Angel Di Maria në Premier League ishte e shkurtër por intensive, e mbushur plot oshilacione dhe jo vetëm në fushë me Manchester United, por edhe me episode jashtë saj. Një optikë ndryshe ka ofruar për tifozët, gruaja e mesfushorit sulmues që e cilësoi një makth, kohën e shpenzuar në Angli.
Duke folur për emisionin e mëngjesit “Los Angeles de la Manana” në një TV spanjoll, Jorgelina Cardoso foli për shumë gjëra negative që kur bashkëshorti i saj kaloi nga Real Madrid në Old Trafford për 60 milionë Paund në vitin 2014.
“Nuk më pëlqente thuajse asgjë. Njerëzit ishin të çuditshëm në Manchester, sipërfaqësorë. Ti je duke ecur në rrugë dhe nuk e di nëse mund edhe të të vrasin”thotë gruaja e Di Marias. Ajo nënvizon se vuajti makthin kur u sulmua shtëpia e saj për t’u grabitur në 2015 , madje familja përkohësisht u transferua në Lowry hotel dhe banesa u nxorr në shitje.
“Ushqimi në Angli është i shpifur ndërsa vajzat përdorin shumë “Makep Up”dhe nuk më pëlqejnë”tha më tej gruaja e futbollistit. Di maria u largua shpejt te PSG pas vetëm një viti në Old Trafford. Ai shënoi vetëm 4 gola në 32 ndeshje me fanelën e Red Devils.
