Boris Johnson është divorcuar edhe formalisht nga bashkëshortja e tij e dytë dhe ka theksuar se do të martohet me të dashurën e tij menjëherë pas përfundimit të pandemisë Carrie Symonds.
Ish bashkëshortja e tij Marina Wheeler, 55 vjeçe, kërkoi divorcin e menjëhershëm në shkurt të këtij viti, për ti dhënë zyrtarisht fund martesës që zgjati për 27 vjet. Wheeler e paraqiti kërkesën përpara izolimit të vendit, në fillim të muajit mars dhe sot zyrtarisht divorci është përfundimtar. Çifti ka arritur edhe një akord për divorcin, në shumën e 4 milionë paundve.
Johnson, kryeministri i 77-të i Britanisë së Madhe, është i dyti kryetar i qeverisë që divorcohet gjatë ushtrimit të detyrës. Johnson dhe Symonds, të cilët u bënë prindër të djalit të tyre Wilfred javën e shkuar, do të lidhin kurorë menjëherë sapo vetë kryeministri të shpallë fundin e periudhës së izolimit të vendit dhe rikthimin gradualisht në normalitet.
Boris u njoh me bashkëshorten e tij të parë, Allegra kur ishin ende studentë në Oxford. Ata u martuan në vitin 1987, por martesa e tyre u anulua në vitin 1993. Në po të njëjtin vit, ai u martua me Marina Wheeler. Ata kanë së bashku 4 fëmijë, nga 20 në 26 vjeç.
Boris Johnson është baba edhe i një vajze, Stephanie, nga një lidhje jashtëmartësore të vitit 2009, me agjenten e pasurive të paluajtshme Helen Macintyre./Burimi: The Sun
