Organizata Freedom House për demokratizimin e vendeve, ka vlerësuar se Kosova ka bërë përparim të vazhdueshëm në këtë drejtim. Raporti i sivjetshëm u titullua “Vendet në tranzicion, 2020”
Kosova ka shënuar përmirësim, duke u vlerësuar me 3.18 pikë, nga 3.11 sa kishte vitin e kaluar.“Vlerësimi i demokracisë”së një vendi është bërë nga 1 pikë që tregon nivelin më të ulët të përparimit dhe 7 më të lartin.
Nga vendet e rajonit, përmirësim ka shënuar edhe Maqedonia e Veriut, nga 3.68 pikë është vlerësuar me 3.75.Ndërkaq, rënie në renditje kanë pësuar Shqipëria, Serbia dhe Mali i Zi, ndërkaq Bosnje dhe Hercegovina dhe Kroacia kanë qëndruar në të njëjtën pozitë.
“Pavarësisht një numri të marrëveshjeve të suksesshme politike dhe përparimit teknik në drejtim të anëtarësimit në Bashkimin Evropian, vendet në tranzicion kanë shënuar përkeqësim të demokracisë, sidomos Serbia dhe Mali i Zi”, thuhet në raport.
