Kryeministri Edi Rama ka thënë sot se media në Shqipëri është e lirë dhe shkruan çfarë do, duke theksuar këtu më shumë faktin që sipas tij edhe shpifin.
Nga emisioni i mëngjesit në “ABC News” me Enkel Demin, Rama u pyet lidhur me një emër konkret të një media-je që sipas tij shpifin, ndërsa kreu i qeverisë nuk pranoi që të veçonte emra gazetarësh apo media.
Pjesë nga diskutimi:
Edi Rama: Nuk bëhet fjalë për fasadë. Përsa i përket lirisë së medias besoj që Shqipëria ka lirinë më të madhe të shpifjes në planet.
Enkel Demi: Mund të më jepni një rast konkret?
Edi Rama: Flas për median në tërësi. Është hapësirë e madhe, ka gjëra me vlerë po edhe shpifje. Kalojnë pa asnjë filtër. Pa asnjë faktim.
Enkel Demi: Pak a shumë si videoja e Spanjës.
Edi Rama: Ishte lapsus.
Enkel Demi: Pse për ju është lapsus dhe për ne është shpifje?
Edi Rama: Unë kërkova falje. Raportin nuk e kam parë, por në Shqipëri mund të thuash gjithçka por edhe shpifje.
Enkel Demi: Ju e thoni shpesh por kur ju kërkoj një emër konkret.
Edi Rama: Gazetarët dhe mediat nuk janë të gjithë njësoj. Edhe pse rrapi është rrap por ka lloj-lloj formash. Në Shqipëri askush nuk pengohet të thuhet.
Enkel Demi: Mos e thoni më në përgjithësi sepse Edi Rama është Rama nuk është Nard Ndoka.
Edi Rama: Unë e nisa në përgjithësi sepse edhe raporti flet për përgjithësi. /Fjala.al/
