Pak ditë më parë ministrja e Arsimit, Besa Shahini deklaroi se maturantët do të kthehen në shkolla për të dhënë provimet e maturës shtetërore duke shtuar se detajet do zbardhen në ditët në vijim.
Sot, Ministria e Shëndetësisë publikoi masat ndaj COVID-19 që duhet të ndërmarrin institucionet arsimore. Këtu përshihen shkollat që do të hapen pjesërisht, por dhe universitetet.
Për të shmangur përhapjen e koronavirusit, Ministria e Shëndetësisë ka vendosur të rrepta higjienike dhe distancimi fizik për rikthimin e maturantëve dhe studentëve në ambientet arsimore.
Në udhëzimin e Ministrisë së Shëndetësisë shkruhet se maturantët dhe studentët duhet të kenë një distancë 1.5-2 metra dhe do të vendosen në rresht.
Gjithashtu, në vendim thuhet se të gjithë maturantët dhe studentët duhet të kenë maskë dhe shami me vete, ndërsa në çdo shkollë e klasë duhet të ketë dezinfektantë dhe termometër dixhital për matjen e temperaturës të të gjithë studentëve, nxënësve dhe mësuesve dhe pedagogëve. Do të ketë edhe vaskë me klor për dezinfektimin e këpucëve.
Ndalohet takimi i studentëve dhe maturantëve të klasave të ndryshme, ndërsa nuk lejohet qëndrimi në korridore.
Korridoret do të pastrohen çdo 2 orë, ndërsa tualetet dezinfektohen çdo 30 minuta
Çdo student apo maturant, i cili ka temperaturë apo simptoma të COVID-19 duhet të lajmërojë mësuesin apo personin përgjegjës si dhe të kontaktohet mjeku i familjes.
Mësohet se nuk ka pushim të gjatë dhe dalje nga shkolla, pasi është e ndaluar të shkosh në shkollë, të dalësh e të kthehesh prapë. Do të ketë dhe masë disiplinore kush nuk i respekton rregullat.
Lejohet hyrje-dalje vetëm në ambientet e institucionit arsimor dhe kjo do të bëhet duke respektuar distancën 1.5-2 metra nën mbikëqyrjen e vazhdueshme të mësuesve dhe pedagogëve. Edhe tavolinat e nxënësve dhe studentëve do të jenë me 2 metra largësi. Është e ndaluar rreptësisht ushqimi në klasë apo salla./l.m/Fjala.
Masat ndaj COVID-19 që duhe… by Fjala.al on Scribd
