Karabinierët e Xhenovës dhe Chiavari në Itali bënë disa arrestime për shitjen e kokainës në Ligurian lindore.
“Genova” shkruan se hetimet për organizatën filluan në vitin 2017 pas kontrollit të mjekut, Chiavari që merrte furnizime nga personat, të cilët tashmë janë të arrestuar. Gjatë këtij kontrolli ishin sekuestruar 35 gram kokainë për përdorim personal.
Pas këtij momenti u zbulua se grupi, i përbërë nga shqiptarë, italianë dhe tunizianë, u shiste kokainë njerëzve të pasur.
Përgjimet dhe bashkëpunimi i mjekut lejoi zbulimin e bandës së udhëhequr nga Florian Zeqiri. Si bashkëpunëtorë janë arrestuar edhe Armando Ahmeti, Enkeled Kapaj, Mourad Aousji dhe Massimo Gallio.
Autoritetet italiane informojnë se një prej shqiptarëve nën urdhër arrest është dëbuar më parë nga territori italian pas kryerjes së një dënimi penal për akuza të ngjashme që kanë të bëjnë me trafikun e lëndëve narkotike.
Autoritetet kanë dokumentuar së paku 150 raste të trafikut të drogës në zona, ku kryesisht banojnë të pasur italianë.
