Kryetarja e Lëvizjes Socialiste për Integrim Monika Kryemadhi ka treguar pikat e forta të kryeministrit Rama, që sipas saj, ai qëndron në pushtet dhe nuk rrëzohet dot nga opozita.
Sipas Kryemadhit, Edi Rama ka dy pika të forta.
“Në para dhe në networkun kriminal, lobist antishqiptar, këto janë dy pikat e forta që ka Rama në përballje me të gjithë shqiptarët e tjerë”.
Ajo theksoi gjithashtu se “Rama 20 vjet në pushtet ka krijuar network financiar kriminal, antishqiptar”.
Kryemadhi foli edhe për paktet e Ramës me Bashën dhe Metën në politikën shqiptare.
“Kur Rama është keq thotë po bëj pakt me Bashën, kush do bëjë pak më me Ramën sot? Edhe meta i mban mend të gjitha paktet e Ramës e të jesh i bindur që… Megjithatë unë ia kam thënë, se Rama tentoi një vit e gjysmë të përçante opozitën e ne e dije shume mirë si përçahet, duke thënë që Basha po bën pakt me Ramën, nuk e realizoi, tentoi brenda vendit, jashtë vendit, mbi tavolina, nen tavolina, te shpia, te telefoni, te celulari te email mor dhe rojën e derës ja kapi Lul Bashës. Ca interesi kishte? Se një front politik i përçarë i zgjat jetën.
Asnjë nga partitë politike në Shqipëri, duke nisur nga Berisha, Nano, Meksi, Majko, Basha, Monika, asnjë nga këta pavarësisht ca themi ne romuze që hedhim nëpër tavolina, njëri ka kap floririn tjetri armët, asnjëri nga këta se mund dot Ramën në para.
Në para e në network kriminal lobist antishqiptar këto janë dy pikat e forta që ka Rama në përballje me të gjithë shqiptarët e tjerë.
Rama 20 vjet në pushtet ka krijuar network financiar kriminal, antishqiptar se në fillim e merrnim si budalla ne, mori paratë e drogës i futi në leje ndërtimi ndërkohë që bënim Albert Brojkën copë, sa erdhi futi në historinë e ndërtimit shqiptar në 20 vjet asnjë nuk u mor se Berisha merrej të rrëzonte Metën me Nanon, Meta me Nanon hanin kokat e njëri tjetrit, ndërkohë bashkia e Tiranës që ishte një parajsë e madhe e pastrimit të parave u kthye në mekanizëm që krijoi një netëork financiar me grupe të caktuara që hap pas hapi filluan të fuqizojnë e të sjellin në pushtet Ramën edhe me ndihmën tonë, diku me naivitet, pasivitet e sollëm Ramën kryeministër.
Meta kujtoi se me Ramën bëhet politikë, u be Meta kryetar i Parlamentit, bënte politikë në parlament, sa herë që kishte lëvizje politike Rama krijonte kauze ta conte Meten në një cep, shkeputej Meta, PD merrej me metën, Rama vazhdonte, se ne kemi mungesë memorie, asnjë nuk e bën këtë analizë”, ka theksuar Kryemadhi në emisionin “Java në RTSH”.
