Letrat që Boris Johnson ka shkruar, për t’iu adresuar kombit në lidhje me pandeminë koronavirus, do të dalin në ankand, me çmim fillestar 1 mijë paund secila.
Letra e parë, e shumë të tjera që do të pasonin, është shkruar në fund të muajit mars, si paralajmërimi i parë ndaj qytetarëve, për të luftuar virusin Covid-19.
Tashmë, thuajse 100 letra të tilla janë nxjerrë në shitje në e-Bay, duke nisur nga çmimi fillestar 1 mijë paund.
Gjithsesi, askush nuk ka preferuar në këto ditë të vështira të shpenzojë aq shumë për një letër të tillë.
Njëra është blerë për 89.99 paund dhe një tjetër për 51 paund, ka patur edhe nga ata që kanë kërkuar ti blejnë për vetëm 5 paund.
Në kohën kur letrat janë shkruar, vetë kryeministri Boris Johnson ka qenë në vetë izolim pasi ishte infektuar me Covid.
Në letra listohen të gjitha masat dhe ligjet që qeveria britanike ka miratuar, për tu përballur me koronavirusin dhe krizën që do të pasojë, pas frenimit të valës së përhapjes.
Në rrjetet sociale janë ngritur dyshimet se përse këto letra duhet të dalin në shitje dhe mbi të gjitha përse bëhet një lëvizje e tillë? Mos vallë qeveria ka nevojë për ato para?
Gjithsesi shitja e tyre ka nisur këtë të shtunë. Mbetet për të parë në qoftë se do të shiten të gjitha apo./Burimi: The Sun
