Shpyllëzimi i Amazonës është rritur në muajt e fundit ndërsa Amerika e Jugut lufton me pandeminë e vazhdueshme të Covid-19.
Muajin e kaluar, një zonë pothuajse katër herë më e madhe se Parisi u shkatërrua pasi u prenë 405 km katror pemë.
Sipas agjencisë së hulumtimit të hapësirës së Brazilit kjo është një rritje prej 64 % nga prilli i vitit 2019.
Nga janari deri në prill, gjatë së cilës koronavirusi përfshiu gjithë botën, janë prerë gjithsej 1,202 kilometra katrorë pyll – një zonë 20 herë më e madhe se Manhattan – u zhduk.
Niveli i shpyllëzimit deri më tani ka shkuar në 55 % krahasuar me katër muajt e parë të 2019-ës.
Presidenti brazilian Jair Bolsonaro ka marrë vazhdimisht kritika nga ambientalistët për zbatimin e politikave që inkurajojnë aktivitetin e paligjshëm në dëm të natyrës.
Vitin e kaluar, në vitin e parë në detyrë të Bolsonaro, shpyllëzimi u rrit me 85 %, më i larti gjatë 11-viteve të fundit, sipas të dhënave nga Instituti Brazilian i Kërkimit Hapësinor (INPE).
Zemërimi ndërkombëtar e detyroi presidentin brazilian, të vendosë ushtrinë për të kufizuar dëmet e shkaktuara nga zjarret, prerjet e paligjshme, minierat dhe bujqësia në tokat e mbrojtura./Burimi: Daily Mail
