Pas hapjes së berberëve, parukerive, dyqaneve në qendrat tregtare, kryeministri Edi Rama ka njoftuar se do të hapen edhe autoshkollat.
Drejtoria e Përgjithshme e Transportit Rrugor ka njoftuar se aktiviteti i subjekteve private që regjistrojnë dhe përgatisin aplikantë për Leje Drejtimi, rritje kategorish, teori e praktikë do të rihapet me dy faza.
Në fazën e parë që fillon nga dita e sotme, do të rinis regjistrimi i aplikantëve të rinj që presin prej 2 muajsh për të filluar kursin për marrjen e patentës. Edhe pse do të rinis ky aktivitet duhet të respektohet distanca e sigurisë mbi 1.5 m mes shoferit dhe praktikantit si dhe duhet të respektohet, higjiena gjatë teorisë, sikurse edhe në seancat online.
Aktiviteti i subjekteve private që regjistrojnë dhe përgatisin aplikantë për leje drejtimi, rritje kategorish, teori e praktike hapet me dy faza: 11 dhe 18 maj”
Ndërsa në 18 maj, kryeministri Edi Rama njoftoi se do të nisë instruksioni në rrugë, me jo më shumë se 1 praktikant në makinë, gjithmonë të pajisur me maskë, doreza dhe dezifektant.
