Gazi lotsjellës i marrë në Kosovë gjatë vitit 2019 u kthye sërish atje. Ministri i Brendshëm, Sandër Lleshaj deklaron se derisa ai nuk u nevojit është rikthyer sërish atje ku u mor. Në intervistën për emsionin “HARD TALK”, nga Roland Qafoku, Lleshaj shpjegoi se ishte situata e tillë që kërkonte sasi më të madhe gazi lotsjellës, por duke qenë se ajo sasi nuk u përdor u rikthye sërish atje ku u mor.
Si është puna me atë gazin lotsjellës që e keni marrë në Kosovë?
“Gazi lotsjellës nuk është çështje fare e ndërlikuar. E kam thënë dhe e përsëris,fare e ndërlikuar nuk është. Gazi lotsjellës është mjeti që përdoret në mbi 190 shtete të botës për të zgjidhur situate të ndryshme ku jeta e qytetarëve ose e policisë vihet në rrezik. Futuni shihni se si është përdorur gazi rëndom në shumë polici të vendeve evropiane, Amerikë etj. Nga Kosova u morn ë një moment kur policia ka konstatuar një nevojë. Ishin premtuar gjëra të mëdha vitin e shkuar i keni harruar? Çdo ditë flitej për apokalips në Shqipëri. Dhe policia ka marrë masat e veta, ka kërkuar por nuk e ka përdorur dhe është kthyer mbrapsht një sasi e vogël që është marrë.”
