Në një kohë kur vendi vazhdon të jetë nën masa izolimi për shkak të pandemisë së koronavirusit, në qendër të Prishtinës janë shfaqur pasditen e sotme një grup njerëzish teksa bënin prova për protestë në distancë.
Mësohet se grupi është mbështetës i Albin Kurtit, kryeministër në detyrë i Kosovës, por që nuk kishte marrë leje te autoritetet për grumbullimin.
#MeKryeministrin është mbishkrimi që mbështetës të Lëvizjes Vetëvendosjes u kanë vendosur fotove të publikuara në rrjetet sociale dhe që vijnë nga ky grumbullim.
Partitë opozitare planifikojnë të vijnë në pushtet duke shmangur Lëvizjen Vetëvendosje, e cila fitoi zgjedhjet parlamentare të 6 tetorit 2019. Madje, presidenti Hashim Thaçi ka mandatar Avdullah Hotin e LDK-së për kryeministër, por në Kuvend nuk është votuar për qeverinë e re për shkak se pritet vendimi i Gjykatës Kushtetuese.
