Miliarderi i njohur George Soros thekson se situata e krijuara nga koronavirusi dhe pasojat e saj në ekonomi mund të sjellin fundin e Bashkimit Evropian.
Në një intervistë të dhënë për “Independent”, Soros ka bërë disa parashikime aspak optimiste për Bashkimin Evropian.
Kjo mund të ndodhë sipas Sorosit, pasi BE “nuk është një bashkim i plotë”.
Sipas tij, koronavirusi mund t’i japë fund kapitalizmit, siç njihet deri më sot.
“Unë jam veçanërisht i shqetësuar për BE-në, sepse është një bashkim jo i plotë. Po ashtu, Covid-19 mund të bëjë që kapitalizmi që ne njohim sot të dëmtohet shumë rëndë”, tha ai.
George Soros shpjegoi se koronavirusi “prek më lehtë Europën sesa SHBA-në, për shkak se BE mbështetet më shumë në shtetin e së drejtës”.
“BE mbështetet më tepër në shtetin e së drejtës. Mirëpo, rrotat e drejtësisë ecin më ngadalë sesa virusi. Kjo krijon një problem të veçantë për unionin evropian”, u shpreh Soros.
