Teksa fansat dhe studiot prodhuese presin me padurim rikthimin në normalitet pas pandemisë koronavirus, regjisori dhe producenti James Cameron flet me nota pozitiviteti për të ardhmen.
65-vjeçari ka përfunduar xhirimet e filmave “Avatar 2” dhe “Avatar 3” përgjatë viteve të fundit ndërsa publikon edhe datën për premierën e Avatar 2, 17 dhjetor 2021.
Pavarësisht paralizimit të punës për shkak të Covid-19, Cameron është i sigurt se ekipi që vetë ai e quan perandoria e tij, do të arrijë qe të jetë gati në kohë për premierën.
Vetëm pak ditë përpara se e gjithë bota të futej në karantinë, stafi sapo kishte përfunduar xhirimet në Zelandën e Re.
Ai shpreson të mund të kthehet atje gjatë muajve të verës për të realizuar edhe skenat plotësuese pasi Qeveria e Zelandës duket se është përballur në mënyrë efikase me pandeminë.
Burimi: Dailymail, Përshtati: Fjala.al
