Bryan Adams është etiketuar si “racisti” në rrjetet sociale pas disa postimeve të forta në akuza, ndaj Kinës dhe qytetarëve të saj, që sipas tij janë fajtorë për përhapjen e koronavirusit në mbarë botën.
Rokeri 60 vjeçar është ndeshur me lum akuzash në Instagram dhe Facebook pasi shkroi me nota urrejtje ndaj kinezëve.
Në një status ai thotë: “Falë disa m..kinezëve që hanë minj, që shesin në tregun e gjësë së gjallë, e gjithë bota tani ka frenuar, për të mos përmendur mijëra vetë që vuajnë nga virusi apo ata që kanë humbur jetën”.
Adams thotë se të vetmit përgjegjës për këtë situatë janë Kina dhe kinezët, duke nisur nga Wuhani, atje ku qytetarët hanë mishin e kafshëve të gjalla, shkruan “Daily Mail”
Në fund, këngëtari i kërkon fansave të tij të kujdesen për veten dhe të bëhen vegjetarianë, pasi nuk dihet se çfarë mishi mund të konsumojnë. Kaq ka mjaftuar që rrjeti të shfrenohet në akuza e fyerje ndaj 60 vjeçarit, duke nisur nga racist e deri tek idiot e injorant.
