Meghan Markle kërkon që biografia e saj dhe princit Harry të publikohet sa më parë pasi sipas saj, përveçse do të thyejë rekord, do të hedhë dritë edhe mbi faktin se përse çifti vendosi të heqë dorë nga postet mbretërore.
Libri biografik titullohet “Në kërkim të Lirisë: Harry, Meghan dhe Krijimi i një familje mbretërore moderne” dhe është shkruar nga gazetarët Omid Scobie dhe Carolyn Durand, pritet të publikohet online në mbarë botën më 11 gusht ndërsa do të jetë në shitje në çdo librari nga 20 gushti.
Të ishte për Meghanin, thotë një burim shumë pranë saj në një intervistë ekskluzive për DailyMail, libri do të publikohej që nesër dhe jo pas 3 muajsh.
Në libër sipas saj do të shpjegohet çdo vendim i marrë prej Meghan ndërsa çdo lexues do ta kuptojë qartë se jeta e Meghan dhe Harryt nuk është aspak një “përrallë” tipike e princeshave dhe as një diva e kinemasë që kërkon vëmendje dhe që vetëm urdhëron. Meghan dhe Harry tronditën botën në muajin janar të këtij viti kur thanë se kanë vendosur të heqin dorë nga titujt dhe angazhimet mbretërore pasi duan ta zhvendosin jetën e tyre në SHBA, atje ku Meghan do të gëzojë të drejtën të aktrojë sërish.
