Pëllumb Pipero, mjeku i njohur ka treguar gjatë një interviste me Mustafa Nanon, detaje nga puna e tij në Spitalin Infektiv.
Pipero ka treguar se në Infektiv kanë ndërruar jetë pacientë të cilët në momentet e fundit nuk kanë pasur asnjë familjar afër.
Ai tregoi historinë e një pacienti që kishte ndërruar jetë dhe vajza e tij që ndodhej në Itali kërkonte foto të të atit.
Po kështu ai ka treguar edhe një rast tjetër, ku një pacienti i kërkonte vendndodhjen e varrit të babait të tij.
“Kemi pasur qytetarë që kanë humbur jetën dhe nuk kanë pasur asnjë të afërm. I kanë pasur fëmijët jashtë. Njërit i qëlloi edhe gruaja bashkë me fëmijët në Itali dhe vajza që më lutej çoja një foto apo video të babait. Ka pasur dhe nga ata që më kanë pyetur se ku mund ta gjej varrin e babait tim. Pandemitë nuk janë gjëra të zakonshme, janë të jashtëzakonshme. Kam 40-vjet doktor dhe është hera e parë që e përjetoj këtë lloj pandemie. Kjo pandemi nuk i ngjan as gripit spanjoll është shumë herë më e frikshme. Ndoshta për shkak të mungesës së kapaciteteve mjekësore në të gjithë botën”, tregoi mjeku Pëllumb Pipero.
