Kreu i Grupit Parlamentar të Partisë Socialiste, Taulant Balla ka theksuar se legalizimi i kanabisit nuk do jetë për përdorim, por për të arsye mjekësore.
Sipas tij, derisa të jetë në pushtet Partia Socialiste nuk do të ketë legalizim të kanabisit në Shqipëri.
“Këto ditë është bërë një keqpërdorim të termit legalizim i kanabisit. Nuk ka për të pasur kurrë legalizim kanabisi në Shqipëri.
Sa të jemi ne nuk ka për të pasur kurrë legalizim kanabisi në Shqipëri, si përdorim i kanabisit. Por ajo që duam dhe presim prej një viti, duam të hulumtojmë dhe kemi hulumtuar për të gjitha praktikat më të mira si kulturë bujqësore.
Në fund të fundit është një kulturë bujqësore. Në Shqipëri kemi përdorur historikisht kërpin dhe vaji i kërpit në Shqipëri është përdorur edhe në kohën para viteve 90 për arsye mjekësore. Edhe kjo kulturë bujqësore ka një rendimet të lartë dhe krijon një cikël të ri ekonomik”, u shpreh Balla.
