Regjistori Robert Budina, një prej aktivistëve më të zëshëm për mbrojtjen e godinës së Teatrit Kombëtar, bëri me dije se nesër do i drejtohen SPAK-ut për të bërë kallëzim penal. Në një prononcim për Fjala.al nga protesta për mbrojtjen e teatrit, Budina theksoi se “kemi prova se janë falsifikuar firma dhe dokumenta” dhe se ato të bëhen publike nesër.
Budina foli edhe për kërcënimet që ka marrë së fundmi nga persona të ndryshëm, pasi protesta e tyre për këtë kauzë po u mohon biznesmenëve ngritjen e kullave. Ai tregoi se përveç mesazheve kërcënuese që ka marrë në rrjetet sociale, pranë zonës së teatrit, atu ku protestohet vazhdimisht, kanë kaluar persona me armë në brezë dhe të cilët janë kujdesur që të tregojnë se lëvizin të armatosur.
Aktivisti theksoi se protesta nuk do të ndalet pavarësisht vendimit të bashkisë së Tiranës për të shembur godinën e Teatrit.
/Fjala.al – Katerina Tafa dhe Restina Guri
