Këshilli bashkiak do të mblidhet ditën e nesërme, 15 maj ku në rend të ditës do të jetë edhe shembja e godinës së Teatrit Kombëtar.
Qeveria me vendim të Këshillit të Ministrave ka kaluar teatrin Kombëtar në pronësi të Baskisë Tiranë, për të ndërtuar në të një teatër të ri modern dhe me standarde evropiane.
Ky veprim ka sjellë dhe një reagim të menjëhershëm të mbrojtësve të Teatrit Kombëtar. Artistët asgjë nuk i ndal nga mbrojtja e ndërtesës ku nisën dhe u rritën qindra aktorë.
Regjisori, Edmond Budina, ishte i ashpër ndaj këtij veprimi duke i bërë thirrje kryebashkiakut të mos provokojë, ndërsa apeloi qytetarët të ngrihen në mbrojtje të Teatrit.
