Janë shënuar dy viktima nga koronavirusi në Maqedoninë e Veriut. Bëhet fjalë për dy të moshuar që prej kohësh ndodheshin të shtruar në spital.
Gjatë 24 orëve të fundit janë konfirmuar 17 raste të reja me koronavirusin, Covid-19, ndërsa 16 të tjerë janë shëruar. Që nga shpërthimi i epidemisë deri më sot janë regjistruar 1.740 raste pozitive, nga të cilët 1.251 persona janë shëruar.
Ministria e Shëndetësisë:
“Në 24 orët e kaluara janë realizuar 460 teste dhe janë konfirmuar 17 raste të reja të Covid-19 edhe atë në: Shkup-3, Kumanovë -2, Prilep-3, Tetovë-6, Veles-2, Manastir-1. Numri i përgjithshëm i rasteve të diagnostikuari në vendin tonë që nga fillimi i epidemisë është 1740, numri i pacientëve të shëruar është 1251, numri i vdekjeve është 97, dhe aktualisht numri i rasteve aktive në vend është 392”.
