Opozita ka vendosur të pezullojë pjesëmarrjen në Këshillin Politik, ku diskutohet mbi reformën e re zgjedhore. Kryeopozitari Lulzim Basha deklaroi sot në mbrëmje se përfaqësuesit e PD-LSI nuk do të marrin pjesë në mbledhjen e radhës së këtij këshilli, si rezultat i situatës së tensionuar të krijuar me shembjen e godinës së Teatrit Kombëtar.
Opozita nuk ka marrë një vendim përfundimtar nëse do i vazhdojë negociatat me mazhorancën e Edi Ramës për realizimin e reformës zgjedhore, ndërkohë që tani po përballet me presionet e akademikëve.
Akademiku Artan Fuga u shpreh sot se vija e kuqe për opozitën duhet të jenë zgjedhjet e lira, të drejtpërdrejta, reale me lista të hapura!
“Nëse nuk realizohen këto, Fuga thotë se Basha është më mirë të hesht”, deklaroi Fuga.
Gjithsesi, ky pezullim i përkohshëm që opozita do i bëjë tryezës së Këshillit Politik paralajmëron se reforma zgjedhore nuk do të realizohet ashtu siç ishte parashikuar, brenda datës 31 maj.
Opozita mobilizohet për protestën e nesërme, është thirrur nga Aleanca për Teatrin
