Presidenti Ilir Meta dha një mesazh të fortë nga Shkodra për çështjen e Teatrit. Meta tha se çështja e Teatrit është e shenjtë dhe kombëtare.
Komenti i Metës erdhi pas u pyet për shembjen e teatrit dhe për mosreagimin e institucioneve të drejtësisë.
“Këtu jam me myftiun dhe jam para një vendi të shenjtë. Nuk dua të flas për çështje të tjera. Megjithëse edhe çështje e Teatrit është e shenjtë se është kombëtare.”
“Falenderoj myftiun e Shkodrës për këtë mikpritje dhe bashkëpunimin që kemi pasur në vijimësi.
Zgjodha që në këtë Natë të bekuar të Kadrit të isha këtu në Shkodër, pasi Shkodra është në zemrën e cdo shqiptari të ndershëm dhe patriot, simboli i besimit në Zot, në vlerat më të mira atdhetare, simboli i harmonisë, bashkëjetesës dhe qëndresës.
Vizituam xhaminë e Parrucës, e cila shkatërrua në 1967 në periudhën e komunizmit dhe u rindërtua me kthimin e demokracisë. Kjo xhami u rindërtua, ashtu sikur ishte. Edhe njëherë u uroj të gjithë besimtarëve dhe qytetarëve gëzuar natën e bekuar dhe na kujton më me forcë mësimet e profetit, se besimi më i mirë është te durimi dhe zemërgjerësia“.
