Johnny Depp kërkon ndihmën e ish-bashkëshorteve të tij, për të dëshmuar për të në gjyqin ndaj tabloidit britanik “The Sun”.
Ylli i piratit të Karaibeve mund të përballet me një gjobë të majme, në qoftë se akuzat ndaj tij provohen, duke e kthyer edhe njëherë vëmendjen te marrëdhënia e tij me ish-bashkëshorten numër tre.
Gjykatësja Nicol pranoi kërkesën e aktorit për të thirrur në gjyq për të dëshmuar ish-bashkëshortet e tij Winona Ryder dhe Vanessa Paradis, kjo e fundit nëna e dy fëmijëve të tij, për të treguar jetën me aktorin sot 56 vjeç dhe faktin në qoftë se ka qenë apo jo i dhunshëm në marrëdhënien në çift, siç ka pretenduar ish-gruaja Amber Heard pas ndarjes së bujshme të tre viteve më parë.
Depp ka paditur tabloidin “The Sun” dhe drejtorin ekzekutiv Dan Wootton për një artikull të publikuar vite më parë, ku e akuzonin aktorin për dhunë ndaj Heard. Vetë 56 vjeçari i ka mohuar ndër vite akuzat, për ushtrim të dhunës ndaj çdo gruaje.
Seanca dëgjimore do të mbahet në Gjykatës e Lartë të Londrës në muajin korrik.
