Presidenti i Lazio, Claudio Lotito, dhe drejtori sportiv Igli tare ishin mes drejtuesve më të flaktë për të sanksionuar rifillimin e kampionatit të futbolit në Itali, dhe mes tyre ekzistonte një zë unison për të mbajtur lojtarët në pagat aktuale. por duket ka ndryshuar.
Komiteti Teknik Shkencor në Itali pritet të japë një vendim në lidhje me protokollin e dorëzuar nga Federata Italiane e Futbollit, për të përcaktuar nëse do të mund të çohet deri në fund sezoni 2019-2020 apo do të ndalet për të mos u përfunduar kurrë. E ndërkohë që dyshimet ekzistojnë, Lotito është përballur me futbollistët e tij te lazio duke u kërkuar të hyjnë në “dietë” financiare.
Futbollistët kanë debatuar përreth dy orë me presidentin Lotito dhe në momente të caktuara ka pasur edhe ngritje të toneve, ndërsa ende nuk ka pasur një vendim sa u përket pagave. Propozimi i Lotitos ka qenë ndërprerja e pagës së muajit mars dhe pagesa e pagës së prillit vetëm gjatë sezonit të ardhshëm, ndërsa mësohet se një pjesë e mirë e futbollistëve janë shprehur kundër kësaj ideje.
Kjo manovër vjen për shkak të uljes së të ardhurave te bardhekaltërit që konsiderohen kërcënimi kryesor i Juventus për titullin në Serie A.
