Imazhet e Nicolò Zaniolo që linte fushën mes lotëve për nëj dëmtim të rëndë, bënë xhiron e botës në internet pak muaj më parë, por nëse romanisti qante për humbjen e shansit për të qenë në Euro 2020, Roma mendonte për mesfushën e saj të gjymtuar. Tani të dy do të buzëqeshin, falë “pit stop” të detyruar nga coronavirus, dhe si Zaniolo, janë shumë yje të tjerë në Serie A.
Tifozët i quanin të humbur këtë sezon, por ata tani janë gati për sprint, e madje dyfish të motivuar. Nicolò Zaniolo, Franck Ribery, Merih Demiral, Giorgio Chiellini kanë të përbashkët fatin e keq. Lëndimi dhe këputja e ligamenteve mund të sillinin humbjen e të gjithë kampionatit, njësoj si Ribery, ndërsa Chiellini ishte i pasigurt për formën e tij pas dëmtimit.
Tani me fillimin e paralajmëruar të futbollit në Qershor në Itali, ata mund të shpëtojnë sezonin dhe të ndihmojnë ekipet e tyre përkatëse të ndjekin objektivat e tyre. Jo vetëm kaq: ata kanë mundësinë të jenë të aftë dhe të rivalizojnë për një fanelë titullari në Europianin që shtyhet për vitin e ardhshëm, me Italinë, Turqinë, e madje dhe me Francën si Franck.
