Kur e gjithë Shqipëria zjen për një ështje si shembja e teatrit Kombëtar që papritur i parakalli të gjithë hallet e vendit dhe u kthye në një kauzë për opozitën, nga Italia fqinje vjen një leksion që ndoshta duhet parë me kujdes. Aty po “varrosin” pa asnjë dyshim, pa asnjë protestë e histeri kolektive, qindra vjet futboll në një nga impiantet më ikonë, “San Siro”.
Komisioni për Trashëgiminë Kulturore në rajonin e Lombardisë pranoi propozimet e ekspertëve për të rekomanduar shembjen e impiantit “Giuseppe Meaza” e për t’i lënë vend projektit të ri me një vlerë tronditëse, 1 miliard Euro. “Nuk ka vlerë kulturore”. Me një fjali të thjeshtë, Komisioni rrëzoi ata pak nostalgjikë që numëroheshin me gishta, dhe jep “një asist” për klubet legjendare Inter dhe Milan, që të mendojnë për shtëpinë e re, më shumë luksoze, me më tepër siguri dhe ambiente rekreative thuajse 3 fishi i hapësirës aktuale.
“Me gjendjen aktuale, ndryshimet arkitektonike të fillimit në 1925-’26 e dhe atë të shtimit të hapësirave në 1937-’39, rezultojnë pa impakt këto punime” tha Francesca Furst, kryetare e Komisionit. “San Siro” kështu do t’i lërë vendin punimeve për një impiant të ri në “mushkërinë” ekonomike të Italisë, që do rivitalizojë zonën, do rikthehet me lavdinë e dikurshme të finaleve europiane, e do të shtojë fitimet në arkat e futbollit italian.
