Luan Rama ka treguar për gazetarin Roland Qafoku një detaj nga jeta e tij e fëmijërisë. Numri dy i LSI-së dhe një nga politikanët më të njohur në këto 30 vjet, Ministër i Kulturës, Ministër i Rendit, Ministër i Mbrojtjes ka deklaruar për emisionin HARD TALK NGA ROLAND QAFOKU se kur ishte fëmijë ndiqte diversantët.
-Ke kapur ndonjëherë ndonjë diversant?
-Babai im ka kapur diversantë.
-Mburresh për këtë?
-Po mburrem.
-Kush ishte hero, babi jot që kapte diversantë apo diversantët që donin të rrëzonin Enver Hoxhën?
-Diversanti që vinte nga jashtë nuk vinte për të rrëzuar Enver Hoxhën, por diversanti ishte pjesëtar i një grupi terrorist që vinin këtu, që kanë vrarë djem dhe vajza të pafajshëm, që kanë vrarë vajza që luftonin për emancipimin e femrës shqiptare që vinte prej mjerimit dhe injorancës, që kanë vrarë mësues, njerëz që punonin për të rindërtuar vendin, që ndërtonin hekurudha, shkolla etj dhe pavarësisht petkut politik me të cilën janë veshur ata më pas për arsye të konjukturave politike.
https://youtu.be/DgmJI80BQZY
