Kanë nisur sulmet e para ndaj ambasadores amerikane Yuri Kim lidhur me mungesën e reagimit të saj nga kryeministrit Edi Rama dhe disa debateve që janë zhvilluar në vendin tonë. Por çfarë mendon zëvendëskryetari i LSI-së Luan Rama për veprimtarinë e ambasadores amerikane, diplomatja e 20-të që SHBA ka dërguar në vendin tonë në 98 vjet nga vendosja e marrëdhënieve diplomatike mes dy vendeve? Në emisionin “HARD TALK NGA ROLAND QAFOKU” deklaroi se është kundër atyre qoftë në opozitë që artikulojnë sulme ndaj diplomates amerikane.
-Ambasadat e huaja, mbështesin qeverinë, mbështesin Edi Ramën, ambasada amerikane konkretisht. Çfarë ka ndodhur?
-Unë nuk e glorifikoj, as nuk e himnizoj rolin e ambasadorëve. Edhe ata njerëzit e kësaj bote janë, edhe ata kanë pikat e tyre të dobëta apo pikat e tyre të forta, Në vlerësimin tim, unë e konsideroj absurde ndërhyrjen jashtë çdo etike diplomatike, jashtë statusit të tyre si diplomatë të disa përfaqësuesve ndërkombëtarë imponohen deri në vendimmarrjen e disa institucioneve kushtetuese në vend. Unë e konsideroj pa vend impenjimin që ju bë Këshillit të Lartë Gjyqësor , fjala vjen në rastin më të fundit kur përfaqësues të misioneve ndërkombëtare këtu kanë thirrur drejtpërdrejt anëtarë të KLGJ-së dhe ju kanë kërkuar të votojnë që çështja e ankimuar nga Presidenti I Republikës për Dvoranin të konsultohej me trupat që drejtojnë këta. Kjo është jashtë çdo norme.
-Fjalia e zotit Jeffrey “Ne i njohim baronët e drogës” është unikale. Si e vlerësoni ju sot ambasadoren Yuri Kim në aktivitetin e saj diplomatik?
-Zonja ambasadore është në fillimet e saj dhe unë akoma nuk kam arritur të shoh ndikimin e saj të drejtpërdrejtë.
https://youtu.be/SaJ9yK_CKmM
