Drejtori i grupit mediatik “Fjala”, Roland Qafoku ka shpjegur në Syri Tv listën e publikuar dje në gazetën Fjala dhe Fjala.al, të 10 figurave më me shumë pushtet brenda Partisë Demokratike.
Lulzim Basha, Sali Berisha, Gazment Bardhi, Bujar Nishani, Flamur Noka, Edmond Spaho, Oerd Bylykbashi, Albana Vokshi, Belind Këlliçi dhe Ina Zhupa janë figurat që Qafoku renditi në listën e tij.
I pyetur për një rotacion të mundshëm në vitin 2021, Qafoku u shpreh: “Në 30 vite tranzicion të Shqipërisë ka një rregull të pashkruar që një forcë politike nuk merr më shumë se dy mandate. Vitin tjetër mbushen 8 vite për PS dhe unë mendoj se nuk do të ketë zgjedhje të parakohshme. Ky rregull i pashkruar e frikëson shumë PS-në sepse ne kemi atë që quhet sindroma e mandatit të dytë. Asnjë forcë politike nuk e ka kaluar këtë. Gjasat e këtij rregulli të pashkruar janë që të vijnë. PD ka bërë një kapërcim të jashtëzakonshëm të lidershipit të saj. Është një lidership i ri, një gjeneratë e re që është në provë të jashtëzakonshme. Bilancin ky lidership e ka negative dhe në këto moment nuk di të them dhe nuk mund të japim argumente të forta se si kjo forcë politike do të vijë në pushtet në vitin 2021.”
