Britania planifikon të pajisë qytetarët e saj me certifikatën e imunitetit për të lejuar ata që janë shëruar nga koronavirusi të çlirohen nga rregullat e distancës fizike.
Qeveria britanike po planifikon të përdorë 10 milionë teste anti-trupash për të parë se kush e ka kaluar koronavirusin.
Të ashtuquajturat ‘certifikata të imunitetit’ të koronavirusit do të lejojnë britanikë të kthehen në vendet e tyre të punës.
Sistemi mjekësor dhe punëtorët e kujdesit do të fillojnë të kryejnë testet që nga java e ardhshme pasi Matt Hancock njoftoi se qeveria ka nënshkruar një kontratë për 10 milion teste.
Fundi i testimeve do të tregojë se kush ka kaluar sëmundjen dhe doli me njëfarë niveli imuniteti.
Në konferencën e Downing Street mbrëmë, Sekretari i Shëndetësisë theksoi se shkenca do të tregojë nëse njerëzit po zhvillojnë imunitet dhe sa zgjat ai.
Sidoqoftë, ai konfirmoi që ministrat tashmë po shikojnë një ‘sistem certifikimi’, që do të lejojë njerëzit që janë të sigurt të kthehen në punë të qëndrojnë lirshëm me të tjerët, pa distancë fizike.
Që pas deklaratës së Sekretarit të Shëndetësisë janë ngritur shqetësime për ndikim shoqëror, mes ekspertëve të qeverisë janë ngritur debate pasi ata që nuk janë imunë do të ndihen të turpëruar dhe individët e dëshpëruar mund të përpiqen qëllimisht të infektohen.
“Ne jemi duke zhvilluar këtë shkencë kritike për të ditur ndikimin e një testi pozitiv të antitrupave dhe për të zhvilluar sistemet e certifikimit për të siguruar që njerëzit që kanë antitrupa pozitive t’u jepen garanci për ato që mund të bëjnë me siguri.”, tha Hancock.
‘Ne nuk jemi akoma në gjendje të themi se ata që testojnë pozitivisht në këto teste antitrupash janë imunë nga koronavirusi. Por ndërsa kuptimi ynë për sëmundjen përmirësohet, depërtimi i këtyre testeve të antitrupave do të jetë thelbësor.“, shtoi ai./Burimi: Daily Mail/ Përshtati për Fjala.al R.G
