Reperi, i njohur gjerësisht në rrjetet sociale për shkak të stilit të jetesës prej një miliarderi, është gjetur i pajetë, pasi është torturuar nga disa hajdutë.
David Mota, i njohur në art me emrin Mota Jr, është gjetur i vdekur, pasi 2 muaj më parë ishte shpallur i zhdukur nga miqtë dhe të afërmit.
Këngëtari portugez, që nuk ishte parë gjëkundi që prej 15 marsit, sipas policisë, është rrëmbyer nga shtëpia e tij, pas një telefonate që ka shërbyer për ta nxjerrë deri tek dera e shtëpisë, aty ku e prisnin dy persona të armatosur.
Këngëtari i muzikës rep njihej për postimet e tij ku mburrej me jetën e luksit, sendet luksoze që zotëronte, bizhu miliona eurosh, makina të shtrenjta e vajza të bukura. Por në fakt, edhe pse në rrjet shfaqej i tillë, në të vërtet Mota nuk ishte aspak një miliarder.
Trupi i 28 vjeçarit është gjetur rreth 50 km larg shtëpisë së tij./Burimi: The Sun/ Përshtati: Fjala.al
