Ish-zv.presidenti i Barcelonës i ka dërguar një letër personale presidentit Josep Maria Bartomeu, për të pyetur rreth statusit të hetimit
I ashtuquajturi “Barçagate”, i cili është një rast i zbuluar nga Cadena Ser, dyshohet se kreu një seri parregullsish, duke krijuar dhe lajme negative, ndaj kundërshtarëve të presidentit Josep Maria Bartomeu, duke përfituar nga një kërkesë monitorimi për rrjetet sociale, gjë e cila ende nuk është mbyllur. Deri më tani, konkluzionet e auditimit që vetë bordi Blaugrana promovoi përmes marrjes në punë të firmës Price Waterhouse Coopers Price, janë të panjohura.
Emili Rousaud, ish-nënkryetari i Barçës, që para se të jepte dorëheqjen kritikoi, (sipas mendimit të tij), mefshtësinë e Bartomeut, kur erdhi afrimi i çështjes, ka shkruar një letër drejtuar presidentit Blaugrana, në të cilën kujton se si ish-anëtar i bordit: “Promovova drejtpërdrejt fillimin e këtij hetimi të thelluar”.
“Një nga misionet kryesore të bordit është të sigurojë transparencë të plotë në menaxhimin e klubit”,-thotë Rousaud, i cili kërkon në paragrafin e fundit “shpërndarjen e plotë të raportit, si dhe vendimet e marra nga bordi në përputhje me rrethanat”.
Jo zyrtarisht, deri para dhënies së dorëheqjes dhe sherrit me presidentin e Barçës, Emily Rousaud ishte kandidati i vazhdimit për udhëheqjen e Bartomeut në zgjedhjet e vitit 2021./Fjala.al/Katerina Tafa/
