Ylli në ngjitje i futbollit botëror Erling Haaland, kundër një snajperi që rrallëherë gabon para portës kundërshtare si Robert Lewandowski. Borussia Dortmund-Bayern Munich ofron sot “klassiker” që do të vendosë shumë mbi titullin kampion, por gjithashtu do përcaktojë dhe shumë, në garën për Këpucën e Artë. Kampionati gjerman vë përballë të parën e klasës me të dytën, dhe një sukses i bavarezëve që janë 4 pikë përpara, mund të distancojë Meisterschale, ose një sukses i verdhezinjve mund të rihapë garën duke nisur nga sot në 18:30.
Bundesliga nuk ka shumë që rinisi por në diskutimin për titull rrezikon seriozisht mbylljen në rast fitoreje të kampionëve në fuqi. Shpresat e dy skuadrave janë në këmbët dhe golat e dy sulmuesve të tyre të jashtëzakonshëm. Prandaj është edhe sfida midis dy golashënuesve më të mirë të Ligës së Kampionëve këtë sezon (11 polaku dhe 10 norvegjezi), të dy të aftë për të shënuar 41 gola në 35 ndeshje, duke marrë parasysh të gjitha garat në të gjitha kompeticionet.
Bundesliga, por edhe Këpuca e Artë janë në lojë. Lewandowski ka arritur Ciro Immobile të Lazio ndërsa Haaland ka shënuar një më pak (26), por paguan shumë për faktin se 16 nga golat i ka shënuar në Austri, pra me një koeficient 1.5 që është më pak se Bundesliga.
