Kina ka mbyllur menjëherë një media me miliona ndjekës për përhapjen e lajmeve të rreme dhe teori konspirative.
Një prej artikujve më të lexuar ishte akuza se SHBA I përdorte trupat e viktimave nga Covid-19 për hamburger. Media e quajtur ‘Zhi Dao Xue Gong’, e përkthyer në anglisht ‘Scholar Palace for Ultimate Truth’, arriti rreth dy milionë shikime vetëm në muajin prill, derisa u censurua të dielën.
Lajmi krijoi shumë polemika pas botimit të artikullit në fillim të këtij muaji. Pekini ka fshirë rreth 6 mijë artikuj dhe ka mbyllur rreth 18.500 llogari që nga muaji mars deri më tani pasi kanë publikuar lajme të rreme për pandeminë e koronavirusit.
‘Zhi Dao Xue Gong’ filloi të botojë artikuj në WeChat në vitin 2015 me një total të vlerësuar prej një milion ndjekësish aktiv. Vetëm në prill, faqja arriti të mbledh mesatarisht 1.7 milion shikime për postim, sipas raporteve të mediave.
Në artikullin i cili mbylli dhe llogarinë e kësaj media shkruhej se miliona amerikanë kishin vdekur dhe se numri i tyre është shumë herë më i lartë nga sa publikojnë autoritetet amerikane (pa dhënë prova për këtë pohim).
Ndërkohë SHBA ka raportuar gjithsej 99.462 vdekje, shkruan Daily Mail.
Në artikull gjithashtu shkruhej se miliona trupa të viktimave të koronavirusit përpunoheshin në mish të grirë dhe përdoreshin për hamburger.
“Në ditën e sotme, shumë fabrika të mishit në SHBA kanë falimentuar. Mishi i njeriut jo vetëm që do të mund të zgjidhte problemin ekonomik dhe mungesën e ushqimitm, por edhe problemin e trajtimit të viktimave. Dy zogj, një gur.”, shkruhej në artikull./Fjala.al/R.G
