Presidenti i FIGC, Gabriele Gravina raportoi se skuadrat dhe federata kanë humbur të pakltën 500 milionë Euro nga pandemia, e kjo faturë do të rëndohet sëse shteti nuk merr masa konkrete për të rinisur. përballë shembujve negativë që anuluan kampionatin si holanda, apo Franca, ai insiston për nisjen e Serie A.
“Detyra e Federatës është të bëjë gjithçka të mundur për futbollin, duke respektuar gjithmonë shëndetin e secilit protagonist. Duhet të rifillojë sistemi, gjithashtu të parandalohet që kriza ekonomike të rrezikojë, këtë herë në mënyrë të pariparueshme, pasionin e italianëve për këtë lojë të shkëlqyer” tha presidenti i FIGC, Gabriele Gravina. (fjala.al).
“FIGC e ka marrë detyrën e rinisjes me vendosmëri, në mënyrë që Italia të vendosë “në shina’ një sektor të rëndësishëm punësimi si futbolli që ka rreth 100,000 të punësuar, që prodhon emocione dhe që gjeneron të ardhura të mëdha për shtetin italian. Ne kemi punuar në mënyrë të pandërprerë së bashku me Ministrin e Sportit Vincenzo Spadafora, Ministrin e Ekonomisë dhe Financave Roberto Gualtieri dhe Ministrin e Shëndetësisë Roberto Speranza, për të krijuar kushtet e sigurisë për rifillimin e kampionateve profesioniste. kështu zbutet rënia e të ardhurave në Itali pasi futbolli ka humbur 500 milionë nga Covid-19” tha Gravina.
Sipas tij, xhiroja direkte e gjeneruar nga sektori i futbollit vlerësohet në 4.7 miliardë euro. Nga kjo shifër, 23% prodhohet nga ligat amatore dhe rinore, nga FIGC dhe ligat e futbollit vijnë 1.1 miliardë euro, ndërsa më shumë se 77% (3.6 miliardë Euro) nga sektori profesional, praktikisht klubet e Serie A, Serie B dhe Serie C.(fjala.al)
