Studentet e Fakultetit të Gazetarisë në Prishtinë kanë krijuar një video për të dhënë mesazhin e fort kundër seksizmit. “Nuk jam teksti yt”, titullohet fushata, e cila ka për qëllim të tregojë se vajzat dhe gratë nuk janë objekte seksi.
Studentet janë nisur nga disa prej këngëve më të njohura shqiptare, ku vajzat trajtohen vetëm si objekte seksi.
“NUK JAM TEKSTI YT, sepse unë nuk jam objekt seksi, nuk varem financiarisht nga ti, i perkas veç vetes, nuk jam shërbyese e jotja, nuk e luftoj seksizmin me seksizëm dhe nuk jam pronë e askujt. Jam grua siç je dhe ti burrë. Jam njeri siç jemi të dy të tillë. Kjo video-fushatë është punuar në kushte shtëpie me nje teknologji minimale në kuadër të lëndës së PR-it”, shkruan një prej studenteve.
Këngët që janë përzgjedhur i përkasin këngëtarëve më të famshëm shqiptarë si, Dafina Zeqiri, Ledri Vula, Mc Kresha, Lyrical Son, Tayna, Buta, etj.
