Kreu i Opozitës i ftuar në emisionin Opinion, është pyetur nëse ekziston një marrëveshje mes Partisë Socialiste dhe Partisë Demokratike, për të cilën Basha është përgjigjur se kjo është një propaganda e mediave, pasi në mëngjes shkruajnë se ekziston një marrëveshje mes PS-PD dhe në mbrëmje një marrëveshje mes PS-LSI.
Pjesë nga intervista
A ka një marrëveshje të diskutuar apo të nënkuptuar mes jush dhe kryeministrit Rama për këtë situatë dhe për zgjedhjet e vitit 2021?
“Propagandë e lodhur dhe e vjetër. E para punës ata në të njëjtën javë ata që shpërndajnë këtë propagandë. Pasi mbaruam një takim me presidentin Meta, po qeshnim se si një media e madhe ndërkombëtare në mëngjes shkruan se ka marrëveshje që Meta të bëhet kryeministër dhe Rama president dhe pasdite thonë që Basha të bëhet kryeministër dhe Rama president, janë të njëjtit njerëz dhe po qeshnim me njëri tjetrin. Domethënë ishte diçka e propagandës së Edi Ramës.”, u shpreh kreu i opozitës Lulzim Basha.
