Ish-futbollisti legjendar i Spanjës dhe i Real Madrid, Iker Casillas ka surprizuar ish-portierin shqiptar tashmë gazetar sportiv, Glendi Tafajn, duke i ripostuar një “Insta-story”.
Tafaj ka publikuar në “Instagram” një video të djalit të tij të vogël duke bërë një pritje në krevat dhe ka etiketuar ish-portierin spanjoll.
Duket se kjo video është pëlqyer shumë nga Casillas, i cili ka ripublikuar postin e Glendi Tafajt në profilin e tij. Ky gjest e ka habitur gazetarin, i cili ka falënderuar spanjollin.
“Faleminderit për ripostimin Casillas, është një nder i madh për mua. Djali im Maten të falenderon gjithashtu”, shkruan Glendi Tafaj.k.t/Fjala.al/
