9 persona, 4 prej të cilëve shqiptarë, janë arrestuar nga policia italiane në kuadër të një operacioni të koduar “San Silvestro”.
Grupi kriminal italo-shqiptar që merrej me trafikun e lëndëve narkotike ranë në prangat e policisë pasi ishin bashkëpunëtorë në trafikimin e 3750 kilogramë marijuanë, 50 kilogramë hashash, 1 kilogram kokainë dhe 1 kilogram heroinë.
Mediat italiane raportojnë se shqiptarët e arrestuar janë Geraldo Ismailaj, 42 vjeç; Alban Limaj, 32 vjeç; Erfan Bajrusi, 24 vjeç dhe Alvaro Aliaj, 28 vjeç.
Ndërkohë theksohet se për 5 nga të arrestuarit është dhënë masa e sigurisë “arrest me burg”, ndërsa për 4 të tjerë “arrest shtëpie”.
Nga mediat mësohet se grupi e siguronte drogën në Shqipëri dhe më pas transportohej drejt Italisë, ku edhe fillonte shpërndarja nga anëtarët e grupit kriminal.k.t/Fjala.al/
